өздігінен жылуға тартылар оқтұмсық

(Тепловая головка самонаведения)

басқарылатын ракеталарда, бомбаларда, торпедалар мен басқа да құралдарда орнатылатын және оларды нысанаға бағыттауға арналған арнайы қондырғы. Ө.ж.т.о. нысана мен орта арасындағы қарама-қарсы жылуды пайдалану негізінде жұмыс істейді. Ө.ж.т.о. снарядтың бас жағына орналастырылады да, сырты жарық пен инфрақызыл сәуле өткізетін материалмен қапталады. Нысананы анықтау, оған снарядты бағыттау сәуле энергиясы индикаторымен және автоматтанған жүйемен іске асырылады. Қабылданған сигналдардың әсерімен Ө.ж.т.о. пәрмендер шығарып, оны соған сәйкес атқарушы блоктарға береді. Атқарушы блок ракетаның, бомбаның, торпеданың ұшу траекториясын басқарады. Атыстағы негізгі міндеті – снарядты жарылғыш зат қимылы радиусымен анықталған дәлдікпен емес, Ө.ж.т.о. бағытымен жіберу. Ө. ж. т. о-мен басқарылатын ракеталардың бағытталу дәлдігі жоғары.